DUAL FAMILY PENSION CASES

இரண்டுகுடும்ப பென்சன் வழக்குகள்.(DUAL FAMILY PENSION CASES)

இரண்டு குடும்ப பென்சன் வேண்டி வழக்குகள் ராணுவ தீர்ப்பாயங்களில் தாக்கல் செய்யபடுகிறது.  நாடெங்கிலும் சுமார் ஒன்பது தீர்ப்பாயங்கள் உள்ளன.  பல ஆயிரக்கணக்கான விதவைகள் இரண்டு பென்சன் பெற தகுதி இருந்தும் ஒரு பென்சன்தான் பெற்று வருகின்றனர்.  இரண்டு பென்சன் வேண்டி வழக்குகள் AFT  கொச்சியிலும், AFT  சென்னையிலும் மட்டும்தான் தாக்கல் செய்யபட்டுள்ளது.  மற்ற தீர்ப்பாயங்களில் செய்யபடுவதில்லை.  சென்னையிலும் கொச்சியிலும் தாக்கல் செய்த வழக்குகள் அனைத்தும் பென்சனர்களுக்கு சாதகமாக அமைந்துள்ளது. இருந்தும் மற்ற தீர்ப்பாயங்களில் ஒரு வழக்கு கூட பதிவாகவில்லை.  இதற்கு என்ன காரணம் என்று தெரியவில்லை.

பொதுவாக இந்த ஏழை விதவைகளின் அறியாமயை பயன்படுத்தி அரசு இவர்களை ஏமாற்றி வருகிறது.  இது ஒரு நல்ல நிர்வாகத்துக்கு அழகல்ல. முன்னாள் ராணுவத்தினர் நல சங்கங்கள் இவர்களுக்கு உதவ வேண்டும்.

குறைந்த கட்டணத்தில் அல்லது இலவச சட்ட ஆலோசனைமூலம் இவர்களுக்கு இரண்டு பென்சன் பெற்றுதரவேண்டியது நல சங்கங்களின் கடமை.

வங்கிகளில் மறு பணியில் இருந்து இறந்துபோன முன்னாள் ராணுவத்தினர் விதவைகளுக்கு இரண்டு பென்சன் வழங்கலாம் என்று பல தீர்ப்புகள் வந்துவிட்டன.  இருந்தும் ராணுவ அமைச்சகம் மௌனமாக இருந்து ஒவ்வொருவரையும் நீதிமன்றம் செல்ல தூண்டுகிறது.  வங்கி பென்சன் வங்கிகளின் தனிப்பட்ட திட்டம் மூலமும், தங்கள் சொந்த நிதியிலிறுந்தும், ஊழியர்களின் பங்களிப்பு மூலம்  வழங்கபடுகிறது என்று சான்றிதழ் அடிப்படையில் தீர்ப்புகள் வழங்கப்பட்டு இரண்டு பென்சன் பெறுகின்றனர்.  இதை நீதிமன்றம் செல்லாமலேயே அனைவருக்கும் கிடைக்க அரசு ஆவன செய்ய வேண்டும்.

EPF பென்சனும், வங்கிகளில் வழங்கும் பென்சனும் வேலை கொடுப்பவரின் பங்களிப்பதின் பேரில் (Pension is paid on the basis of Employer’s contribution) வழங்கபடுகிறது. இரண்டு பென்சனும் ஒரே த்த்துவத்தில்தான் வழங்கப்பட்டபோதிலும் வங்கி குடும்ப பென்சன் மட்டும் மறுக்கப்படுகிறது.  அனைவரும் நீதி மன்றம் சென்றுதான் பெறும் நிலை உள்ளது.  இது மிகவும் துரதிர்ஷ்டவசமானது.  இந்த நிலை மாற வேண்டும். மத்திய அரசின் பென்சன் துறை (DEPARTMENT OF PENSION & PENSIONERS WELFARE) இந்த விஷயத்தில் தலையிட்டு EPF பென்சனுக்கு இணையான வங்கி பென்சனையும் இந்த விதவைகளுக்கு வழங்க ஆவன செய்ய வேண்டும்.  இதே போன்று மற்ற துறையை சார்ந்த குடும்ப பென்சனர்களுக்கும்  நீதி வழங்க வேண்டும்.